Raden Janaka Madeg Senapati
Sawise pinisepuh Pandhawa cacah loro, Resi Seta lan Resi Bisma gugur, Raden janak didhawuhi Prabu Kresna maju dadi senapatine Pandhawa. Sanalika Raden Janaka budhal maju ana ing palagan Kurusetra. Raden Janaka dikantheni dening Kyai Semar.
Ana ing madyaning paprangan, Prabu Bogodenta minangka senapatine Astina wis ngadhang karo sesumbar, "Sapa senapatine Pandhawa sing wani ngadhepi aku, Prabu Bogodenta. Aku senapati agul-agul ora ana sing bisa ngalahake. Ayo, majua! Iki Kyai Murdaningkung gajah titihanku kang ora tedhas senjata. Ing kene uga ana Dewi Murdaningrum sratiku sing pinther ngrumat gajah sektiku. Ayo, Pandhawa aja maju siji-siji, majua bareng! Krubuten aku !"
Raden Janaka panas kupinge. Age-age menthang gendewa. Panah cemlorot nancep ana ing dhadhane Dewi Murdaningrum. Sanalika srati kuwi mati, nanging Kyai Murdanikung marani karo nangis. Ora suwe, Dewi Murdaningrum urip maneh.
Raden Jakana menthang panahe maneh. Panah ngenani Kyai Murdaningrum. kyai Murdanigrum mati. Prabu Bogodenta banjur nyedhak karo nangis. Ngedap-edapi, Kyai Murdanikung bali urip maneh. Semono uga, nalika Prabu Bogodenta mati kena panahe Raden Janaka, bali urip maneh amarga ditangisi Dewi Murdaningrum. Bola-bali dipateni, tetelune bisa urip maneh. Raden Janaka kelangan akal banjur mundur saka madyaning paprangan.
Kyai Semar age-age paweh pemut menawa Prabu Bogodenta, Kyai Murdanikung, lan Dewi Murdaningrum kuwi sekti merga nyawiji ing bathin. Bisa dikalahake menawa dipateni bareng. Kyai Semar ngaturake menawa Raden Janaka bisa ngalahake Prabu Bogodenta nganggo senjata Trisula. Wujude panah siji nanging cucuke ana telu cacahe.
Tidak ada komentar:
Posting Komentar