Nulis Lapuran

Nulis laporan ing sawijining papan

Palapuran yaiku tulisan kang isine nglapurake utawa menehi informasi ngenani bab tartamtu. Bab kang dilapurake bisa maneka warna, bisa ngenani sawijining papan, kagiyatan, panaliten, utawa barang. 
Lapuran kunjungan ing sawijining papan, antarane isine kaya mangkene.
a. irah-irahan lapuran, tuladhane Kunjungan menyang Kraton Surakarta.
b. wektu kunjungan lan peserta kunjungan.
c. ancase tujuan utawa latar belakang tujuan.
d. katerangan ngenani papan kang ditekani.
e. katerangan ngenani kaanane papan kang ditekani.
f. pamikiran utawa urun rembug kanggo nglestarikake papan iku.

Perkara kang kudu digatekake nalika nulis lapuran, antarane :
1. nganggo ukara kang efektif, cetha, ringkes, bener lan pener.
2. isine padha karo kasunyatan, ora entuk ditambah utawa digawe-gawe.
3. becik kanthi diwenehi katerangan jangkep ngenani papan iku, kayata lokasine ing endi, jinise papan apa, lsp.
4. lapuran ringkes, padet lan narik kawigaten.
5. saliyane katerangan bab papan iku, becike uga diwenehi jadwal kunjungan.