Pepeling

Tembung Camboran

Tembung camboran yaiku tembung loro utawa luwih kang digandheng dadi siji lan duweni ateges anyar.

Miturut Sry Satriya Tjatur Sasangka, tembung camboran iku kaperang dadi loro, yaiku tembung camboran wutuh lan camboran tugel.

     1.      Camboran wutuh

Yaiku tembung camboran kang dumadi saka tembung-tembung kang isih wutuh.

Tuladha:

Dhadha menthok

Iwak ayam

Meja tulis

Buku gambar

     2.      Camboran tugel

Yaiku tembung camboran kang anggone nyambor utawa nggabung kanthi nyuda/ ngurangi huruf utawa foneme.

Tuladha:

Panas+atis = panastis

Abot+repot = botrepot

Balung+kulit = lunglit

Abang+ijo = bangjo

Gedhe+bagus =dhegus

Tembung camboran iku tegese maneka warna.

a.       Tembung camboran kang tegese owah kabeh/totalitas lan duweni teges nayar.

Tuladha:

Tempe kemul = mendhoan

Raja lele = arane beras enak

Jaka belek = arane lintang

b.      Tembung camboran kang tegese mingkus.

Tuladha:

Klengkeng lanang = klengkeng kang ora bisa uwoh

Wedhus kacang = wedhus kang ora bisa gedhe

Salak lanang = salak sing ora tau uwoh

c.       Tembung camboran kang tegese mbangetake.

Tuladha:

Legi nyetheg = legi banget

Ireng thuntheng = ireng banget

Cilik menthik = cilik banget

d.      Tembung camboran kang tegese sanepan utawa klasan.

Tuladha:

Dawa tangane = seneng nyolong, clemer

Kuping wajan = ndableg, mbeler

Dawa ususe = sabar