Geguritan

Kasarasan

Dening R. Tantiningsih

Awak waras sehat lan bregas
Ana ngendi dunungmu
Amarga lara papa cintraka
Gampang dadi memala
Sehat iku larang regane
Ngendikane simbah kae
Mula udinen kasarasanmu
Udinen katentremanmu
Sok sapa wae
Kang gelem njaga jiwa ragane
Bakal kepenak uripe

Ngendikane Simbah

Dening Aparacitta

Ngendikane simbah dhisik
Nagara iki gemah ripah loh jinawi
Subur makmur kang sarwa tinandur
Nanging saiki, aku dadi ora percaya
Apa bener ngendikane simbah kae
Bangsa iki sajak wis owah
Akeh wong padha sengsara
Akeh wong padha oleh memala
Banjir bandhang, lema-lemah padha nela
Tasa tepa salira apadene andhap asor wis sirna
Amung kari ati trenyuh, sedih lan sengsara
Kang ninggal crita lapa

Srengenge Nesu

Dening Sawitri

Srengenge mencorong sumelet
Manasi donya prahara
Ngesokake panas sajak ngresula
Merga pokale jalma manungsa
Kang ora tanggung jawab
Ngrusak tatanan kang wis meh tumata
Saiki srengenge mbales pokale manungsa
Sinare ditokake sajak ngelak
Kaya lumrahe buto ngelak
Mulane donya iki sansaya panas
Srengenge nesu merga
Manungsa wis ora eling marang Gustine
Nganti kapan sang bagaskara kurda
Wangsulane sliramu kang pirsa