Perangane layang

Layang

Miturut wujude, layang Jawa iku kaperang dadi loro, yaiku:

      a.       Layang iber-iber (layang ganep)

      b.      Layang kitir (layang ringkes)

Miturut isi utawa kekarepane kaperang dadi pirang-pirang werna, yaiku:

     a.       Layang kiriman (silaturahmi)       

     b.      Layang ulem

     c.       Layang lelayu

     d.      Layang prajanjen

     e.       Layang kekancingan, lsp.

Perangane layang ganep iku ana 9, yaiku:

1.      Satata basa

Yaiku perangane layang kang nuduhake alamat lan tujuane layang. Kanggo sapa layang mau.

2.      Adangiyah/adawiyah

Yaiku salam pakurmatan marang kang dikirimi layang

3.      Purwaka basa

Yaiku pambukaning layang, adat saben mung ngabarake keslametane kang kirim layang lan pangajab sing dikirim uga keparingan keslametan.

4.      Surasa basa/isi

Yaiku isine anggone kirim layang

5.      Wasana basa

Yaiku panutuping layang

6.      Titimangsa

Yaiku papan lan wektu anggone gawe layang

7.      Peperenahan

Yaiku kaprenah apa antarane sing gawe layang karo sing dikirimi layang

8.      Tapak asma

Yaiku tandha tangan, tapak asma

9.      Asma terang

Yaiku asmane sing gawe/kirim layang