Kawruh basa

Kawruh Basa

1. Paribasan
Yaiku unen-unen kang ajeg panggonane mawa tegese entar, tetembungane wantah ora ngemu surasa pepindhahan.
Tuladha : Adigang adigung adiguna
               (tegese wong kang ngendel-ngendelake kekuatan, keluhuran, lan kekuatane)
               Ana catur mungkur
               (tegese wegah ngrungokake rerasan kang ora becik)
               Bapak kesulah anak kepolah
               (tegese menawa wong tuwa wus mati, minangka ninggal perkara wajib tenggel jawab)
               Yitna yuwana lena kena
               (tegese sing ngati-ati bakal slamet, sing sembrana bakal cilaka)

2. Bebasan
Yaiku unen-unen kang ajeg panggonane ngemu surasa pepindhan, mawa teges entar, kang dipindhakake yaiku kahanane, sesipate, tindak-tanduke.
Tuladha : Adol lenga kari busik
               (tegese wong dum-dum nanging awake dhewe ora komanan)
               Ngubak-ubak banyu bening
               (tegese gawe rerusuh ing papan kang tentrem)
               Ora ganja ora unus
               (tegese rupane ala, atine uga ala)
               Nututi layangan pedhot
               (tegese ngupaya balining barang sepele, upama ketemua ara jumbuh karo rekasane)

3. Saloka
Yaiku unen-unen kang ajeg panggonane, ora kena owah lan ora kena diganti. Tetembungane sarta ngemu surasa pepindhan, sing dipindhakake uwonge uga wewatakane.
Tuladha : Asu belang kalung wang
               (tegese wong asor nanging sugih bandha)
               Kemladheyan ngajak sempal
               (tegese sanak sedulur kang ngajak marang kerusakan)
               Tekek mati ulane 
               (tegese nemu cilaka amarga saka omongane dhewe)
               Timun wungkuk jaga imbuh
               (tegese wong kang digunakake mung kanggo tambah-tambah)
               Lahang karoban manis 
               (tegese wong bagus rupane tur ya becik bebudene)